A Flor de Pascua e un dos elementos decorativos que enchen no Nadal as nosas casas, rúas e escaparates. Pero... que sabes dela?
Séguenos e coñecerás un pouco máis desta planta
Esta planta é orixinaria de México. Este país se te fixas no mapa está situado na parte meridional de América do Norte rodeada polo Golfo de México e polo Océano Pacífico.
Ten clima tropical, debido a súa situación xeográfica.
Foi cultivada polos aztecas no val de Anáhuac. Os antigos poboadores coñecíana como cuetlaxóchitl, que quere dicir "flor de pétalos resistentes ao coiro".
O seu nome científico é Euphorbia plulcherrima.
CLASIFICACIÓN BOTÁNICA
Phylum: Euphyta
División : Angiospermae
Clase: Dicotyledones
Orden: Tricoccae
Familia: Euphorbiaceae
Género : Euphorbia
Especies: Euphorbia pulcherrima
Esta flor ten a particularidade de florecer no inverno mesmo nos países nórdicos.
De todas as flores dos antigos xardíns botánicos de México é a flor de Pascua ou flor de Noiteboa a que perdura nos nosos tempos espallada polo mundo enteiro.
Orixinariamente a planta que produce esta flor é un arbusto que pode acadar os 6 metros con grandes follas, como podemos ver na imaxe.
O que vemos de cor vermello nesta planta non é a flor. A flor é amarela agrupada en incandescencias. As follas vermellas, máis pequenas que as verdes chámanse brácteas e protexen a verdadeira flor.
Ten moitos nomes pero o que lle deu fama internacional é poinsetia, nome que recibe do embaixador Roberts Poinsett que fixo que a flor saíra do seu ámbito natural e se comercializara por todo o mundo.
Mais quen a produciu a gran escala foron varias xeracións da familia Ecke que cun bo proceso de mercadotecnia entraron en todos os nosos fogares.