PERSONAXES DO ENTROIDO
GALEGO
"O
MERDEIRO"
DE VIGO
Vigo está situado ó sur de Galicia en plena Ría de Vigo. Localiza a cidade no seguinte mapa.
Chegada a época do entroido, os mariñeiros da bisbarra de Vigo transformábanse en Merdeiros coa intención de expresar con máis forza as súas xenreiras cos labregos. Para iso acostumaban vertirse ao xeito de escabicheiros, (persoas do rural que recollían o escabiche e baleiraban os pozos-negros da cidade para abonar os seus campos), ridiculizando aqueles elementos do traxe e aparellos máis significativos: a vara, a careta, a vasoira... Asemade gostaban de esaxerar o seu comportamento social tremendamente anárquico.
MADAMAS, GALÁNS, OS DE BRANCO, ALDEÁNS...
Cobres está situado no Concello de Vilaboa, no interior da Ría de Vigo mirando á illa de San Simón. Dúas son as localidades onde se celebra este entroido tan especial: Santa Cristina e San Adrián.
Para a veciñanza de Vilaboa, sobre todo das parroquias de Cobres, o Entroido vívese dun xeito moi especial xa que se desenvolve nestas datas unha festa de grande tradición.
O tradicional “Antroido Dos Cobres” remóntase a principios do século XVIII e debe a súa actual vixencia á tradición oral que foi transmitindo o interese e participación na festa de xeración en xeración.
- MADAMAS
Mulleres de posición social elevada, ocupan un lugar central no desenvolvemento do Entroido, cunha estética dirixida claramente a diferenciarse do resto.
- GALÁNS
Homes que pola súa posición e situación económica ansían a busca de parella entre as Madamas, polo que destacan sobre o resto.
- OS DE BRANCO
Poden ser tanto homes ou mulleres que ocupan unha posición intermedia, inferior a dos personaxes anteriores.
- ALDEÁNS
Ocupan o último elo da cadea e representan o grupo maioritario da sociedade e tempo ao que se refire.
- Os sombreiros, parte fundamental da vestimenta das “Madamas” , chegan a pesar de 5 a 7 quilos, acompañados de cintas, abelorios e reloxos;
- O peitoril unha prenda de exquisita finura;
- Unha blusa branca adornada con cintas de cores e pasamanerías diversas;
- Zapatos negros e medias finas.
- Sombreiro de flores, máis lixeiro có das Madamas;
- Camisa branca con adornos de cintas de cores;
- Garabata encarnada;
- Pano de seda que cobre desde a cintura ata os xeonllos;
- Pantalón branco con liña lateral de cor vivo (bandeira galega ou española)
- Zapato negro
- Cobren a cabeza cunha pucha plana, tipo boina, de cor encarnada coas súas correspondentes cintas adornadas nos homes.
- Ocorre o mesmo nas mulleres, que con menos abaloiros e adornos que as Madamas, levan a cabeza ao descuberto.
Aldeanas que forman ao final da comitiva, van vestidas de diferentes oficios e costumes representando a clase máis humilde do pobo.
Este LIM daranos a coñecer unha parte do entroido de Galicia; achegarémonos ás localidades de Vigo e Cobres para saber como son os seus disfraces.
Esta tarefa foi realizada polo Equipo TIC do Ceip Frian Teis, para colaborar co PDI da nosa Biblioteca "A lingua sabe a pan".
- GALÁNS